4.6 C
New York
Sunday, November 30, 2025

Buy now

spot_img
spot_img

घड्याळ कडून मुजीब शेख यांना उमेदवारी फायनल..

घड्याळ कडून मुजीब शेख यांना उमेदवारी फायनल..

बीड प्रतिनिधी – बीड नगरपालिका निवडणुकीची धामधूम चांगलीच रंगात आली असताना आज इच्छुक उमेदवारांसाठी अर्ज दाखल करण्याचा शेवटचा दिवस होता. त्यामुळे सकाळपासूनच सर्वच पक्षांच्या कार्यालयांमध्ये राजकीय हालचालींना वेग आला होता. इच्छुकांनी आपापल्या पक्षश्रेष्ठींकडे उमेदवारी मिळावी यासाठी जोरदार प्रयत्न सुरू केले होते. अशात राष्ट्रवादी काँग्रेस पार्टी (अजित पवार गट), म्हणजेच घड्याळ चिन्हाकडून सिटीजनचे संपादक शेख मुजीब यांचे नाव अधिकृत करण्यात आले. गेल्या आठ–दहा दिवसांपासून बीडमध्ये वातावरण तापलेले असताना, विशेषतः शेख मुजीब यांना उमेदवारी मिळावी यासाठी कार्यकर्त्यांकडून, स्थानिक पदाधिकाऱ्यांकडून आणि समर्थकांकडून प्रचंड पातळीवर दबाव टाकला जात होता. आज उमेदवारी अर्ज दाखल करण्याचा शेवटचा दिवस असल्याने पक्षात अंतिम चर्चेनंतर शेख मुजीब यांच्या नावावर शिक्कामोर्तब करण्यात आले. हे नाव घोषित होताच घड्याळ गटाच्या कार्यालयात तसेच त्यांच्या समर्थकांमध्ये जल्लोषाचे वातावरण निर्माण झाले.

शेख मुजीब हे स्थानिक समस्यांवर सतत लेखणीने लढा देणारे, सामाजिक भान जपणारे आणि नागरिकांमध्ये लोकप्रिय व्यक्तिमत्त्व म्हणून ओळखले जातात. त्यामुळे त्यांच्या उमेदवारीमुळे आगामी निवडणुकीत घड्याळ गटाचे समीकरण आणखी मजबूत होईल, असा विश्वास कार्यकर्त्यांनी व्यक्त केला आहे.

आता पुढे प्रचाराची रणधुमाळी सुरू होत असून, मुजीब शेख यांच्या उमेदवारीने बीडच्या राजकीय वातावरणात नवी चमक भरली आहे हे निश्चित..!

Related Articles

Latest Articles

error: Content is protected !!