अंधापुरी घाट जिल्हा परिषद शाळेचे वार्षिक स्नेहसंमेलन उत्साहात संपन्न.!
बीड, दि,२७- बीड तालुक्यातील अंधापुरी घाट येथील जि प प्रा शाळेतील वार्षिक स्नेहसंमेलन मोठ्या उत्साहात संपन्न झाले..प्रजासत्ताक दिनानिमित्त शाळेच्या वतीने वार्षिक स्नेहसंमेलनाचे आयोजन करण्यात आले होते. मुलांच्या कलागुणांचा प्रत्यक्ष विकास व्हावा यासाठी जि प प्रा शाळा यांच्या वतीने वार्षिक स्नेहसंमेलन दिनांक 26 जानेवारी 2025 रोजी संध्याकाळी संपन्न झाले..
स्नेहसंमेलनाचे उद्घाटन प्रमुख पाहुणे श्री महेश मोटे केंद्रीय मुख्याध्यापक रौळसगाव तसेंच श्री विजय खोसे संचालक शिवाजी महाराज शिक्षक पतसंस्था बीड यांच्या हस्ते जिजाऊ व सावित्रीबाई यांच्या प्रतिमेच्या पूजनाने करण्यात आले.. यावेळी सरपंच,उपसरपंच, शाळा व्यवस्थापन समितीचे अध्यक्ष गोरख जगताप, जि प प्रा शाळा चे मुख्याध्यापक जगदाळे सर, सहशिक्षक जाधव सर,महेश जगताप सर,पत्रकार दिपक वाघमारे,कार्यक्रमाला आलेले मान्यवर तसेंच गावातील महिला-पुरुष मोठ्या संख्येने उपस्थित होते.शाळेच्या वतीने मान्यवरांचा सत्कार करून कार्यक्रमाला आलेल्या सर्वांचे स्वागत करण्यात आले.
शाळेतील विद्यार्थ्यांनी कलाविष्काराची अनेक गाणी सादर करून प्रेक्षकांची मने जिंकली.. गाण्यावर पालकासह उपस्थितांनी दाद दिली.. कार्यक्रमासाठी चिमुकल्यांनी केलेली वेशभूषा रसिकांचे.. लक्ष वेधून घेत होती..ग्रामस्थ व प्रेक्षकांनी तसेंच पालकांनी विद्यार्थ्यांना भरघोश बक्षीसे देत त्यांचे मनोबल वाढवले.. सहशिक्षक जाधव सर यांनी शाळेच्या वतीने सर्वांचे आभार मानले..
कार्यक्रम यशस्वी करण्यासाठी शाळेचे सहशिक्षक जाधव सर, महेश जगताप सर, मुख्याध्यापक जगदाळे सर यांनी विशेष परिश्रम घेतले.. याबद्दल गावकऱ्यांच्या वतीने जाधव सर जगदाळे सर महेश सर यांचा सत्कार करण्यात आला.
